Did you loss your mobile? No tension !

मोबाईल हरायो ? 'नो टेन्सन'

- आफ्नो मोबाईल हरावस् भनेर कसैले पनी चाहेको हुदैन । थाहै नपाई हराउने हो । कसैगरी आफुले वर्षौदेखी चलाउदै आएको मोबाईल हरायो भने के हालत होला ? लामो समयदेखी सम्पर्कमा आईरहेका व्यक्तिहरुलाई फेरीपनी कसरी सम्पर्क गर्ने ? आफ्ना आफन्त, साथीभाई ईष्टमित्र मात्रै हैन कार्यालयका महत्वपुर्ण व्यक्तिहरुलाई पनी सम्पर्क गर्नुपर्ने हुन्छ । फेरी मोबाईलमै नम्बर सेभ गर्ने सुविधाले फोन नम्बर कण्ठस्थ गर्ने बानी पनी त हुदैन ।

कसैगरी मोबाईल हरायो भने शरिरको एक अगं प्यारालाईसिस भए सो सरह नै हुन्छ । धेरै काम चौपट्ट नै हुन्छ ।  यस्तो अवस्थामा मोबाईल त हरायो हरायो तर सेभ गरिएको नम्वर मात्रै पाएपनी धेरै खुसी हुनेथे भन्नेहरु त धेरै भेटिन्छन् । मोबाईल हराएर महत्वपुर्ण नम्बर तथा अन्य सामाग्रीहरु गुमाउनु नपरोस् भन्नको लागी अहिल्य नै तपाईले कम्प्युटरको माध्यमवाट फाईल  कपी गरेर सुरक्षित राख्न सक्नुहुन्छ । छैन त अचम्म ? 

मोबोजिनिई ( Mobogenie ) ले तपाईको फोन प्रयोगलाई धेरै सहज र सरल बनाउने काम गर्न सक्छ ।  यो एप्सको माध्यमवाट तपाईले आफ्नो फोन नम्वर लगायतका महत्वपुर्ण डाटा कम्प्युटरमा व्याकअपको रुपमा राख्न सक्नुहुन्छ । हजारौ एसएमएसहरु छन् भने सजिलै महत्वका आधारमा कम्प्युटरमै सुरक्षिर र म्यानेज गर्न सक्नुहुन्छ । 

अझ अर्को मज्जाको फाईदा भनेको यो एप्सवाटै आफुलाई मन परेका गित, भिडियो एवं फोटो डाउनलोड गर्न, गेम खेल्न सकिन्छ ।  यो एप्सको फाईदा यतिमै मात्र सकिदैन, मोबोजिनिईले भनेको छ, "सहज एवं सरल तरिकाले मोबाईल प्रयोग गर्न यो एप्स उपयुक्त छ ।", निशुल्क डाउनलोड गर्न मिल्ने  यो एप्सको प्रयोग भने एन्ड्रोईड अपरेटिङ सिस्टमको मोबाईलवाट मात्र प्रयोग गर्न सकिन्छ । डाउनलोड गर्नको लागी यहाँ क्लिक गर्नुस् ।

Online storage, उत्कृष्ठ क्लाउड स्टोरेज !

उत्कृष्ठ क्लाउड स्टोरेज

कुनै एक कम्प्युटर डिभाईसबाट अर्को डिभाईसमा फाईलहरु स्थानान्तरण गर्नुप¥र्यो भने सजिलो माध्यम के हुनसक्छ ? सामान्यतया पेनड्राईभ, सिडी लगायतको माध्यमबाट डाटा सार्ने काम गरिन्छ तर ती डिभाईसले भनेको समयमा काम नगर्न पनी सक्छन् । पेनड्राईभ भाईरस सक्रमणले खुलेन, सिडी फुट्यो, कोरियो र फाईल एक्ससेस हुने सम्भावना देखिएन भने ती महत्वपुर्ण फाईलबाट गरिनुपर्नेे कामकाज कसरी सम्पन्न गर्ने ?

कम्प्युटर लगायत अन्य डिभाईसमा तयार गरिएका महत्वपुर्ण फाईलहरु ईन्टरनेटको माध्यमबाट स्टोर गर्न एवं एक ठाउँको सामाग्रीमाथी अर्को ठाउँबाट पहुँच पुराउन क्लाउड स्टोरेजको प्रयोग गरिन्छ । अनलाईनमा फाईल स्टोर गर्न,  सेयर गर्न र एकभन्दा वढी स्थानबाट एकै फाईलमाथी पहुचँ पु¥याउन क्लाउड स्टोरेज अर्थात अनलाईन स्टोरेजको महत्वपुण छ । लगईन आईडी र पासवर्डले मात्रै अनलाईनमा स्टोर गरिएका सामाग्रीमाथी पहुँच पराउन सकिने हुदा सुरक्षाको हिसाबले पनी यसलाई बिश्वसनिय मान्ने गरिन्छ ।  

बिकिपिडियामा भनिएको छ, क्लाउड स्टोरेज आधुनिक उद्यम भण्डारको एक मोडल हो जहाँ साधारणतया तेश्रो पक्षबाट होष्ट गरिएको हुन्छ । साथै यसमा  भर्चुअल पुलको माध्यमबाट स्टोर गर्ने काम गरिन्छ । माओसेफ कार्ल रोबनेट लिक्लडरले सन् १९६० मा क्लाउड स्टोरेजको विकास गरेको विश्वास गरिदै आईएको छ भने बेव २।१ को विकासपछि यसको प्रयोग तिब्र गतिमा सुरु भएको पाईन्छ । क्लाउड स्टोरेज सेवा उपलब्ध गराउदै आएका साईटहरुले निश्चित मापदण्डसम्म निशुल्क र तोकिएको भन्दा वढी सुविधा लिनुपरेको खण्डमा शशुल्क सेवा दिदै आएका छन् । निशुल्क तर उत्कृष्ठ सेवा दिदै आईरहेका केहि साईटहरुको विशेषता : 

ड्रप बक्स 

सन् २००७ मा स्थापना भएको यस कम्पनीले २ जिबी सम्मको डाटा निशुल्क अनलाईन ब्याकअपको रुपमा स्टोर गर्ने सुविधा दिदै आएको छ । ड्रप बक्सलाई सबैभन्दा उत्कृष्ठ क्लाउड स्टोरेज साईटको रुपमा पनी ब्याख्या गरिएको पाईन्छ । ड्रपबक्सको अनुसार दशौ लाख प्रयोगकर्ताले यसको सेवा लिदै आईरहेका छन् । कम्प्युटर, ट्याब्लेट, स्मार्ट फोन लगायतबाट सहजै ड्रपबक्समा महत्वपुर्ण सामाग्री स्टोर एवं सेयर गर्न सकिन्छ भने विण्डोज, म्याक, लिनक्स, एन्ड्रोईड लगायत अपरेडिङ सिस्टमबाट यसलाई प्रयोग गर्न सकिन्छ । बढीमा ३२ जना आफ्ना साथीलाई ड्रप बक्स  प्रयोग गर्न सिफारिस गर्नुभयो भने प्रत्येक व्यक्तिबाट ५ सय एमबी गरी कुल १६ जिबीसम्मको निशुल्क स्पेस सुविधा पाउन सकिनेछ  । 

गुगल ड्राईभ 

सर्च ईन्जिन गुगलले अप्रिल २४, सन् २०१२ बाट गुगल ड्राईभको सेवा सुरु गरेको हो । यसका प्रयोगकर्ताले क्लाउड स्टोरेज, फाईल सेयर र ग्रुप ईडिटिङको सुविधा लिन सक्नेछन् । गुगल ड्राईभले  १५ जिबीसम्मको निशुल्क स्टोरेज स्पेस उपलब्ध गराएको छ तर यसमा जिमेल, गुगल प्लस र पिकासाको स्टोरेजलाई समेत एकमुष्ठ जोडिएको हुन्छ । यदि १५ जिबीभन्दा बढी स्टोरेज स्पेस चाहिएको खण्डमा नियमित मासिक शुल्कमा थप सुविधा लिन सकिन्छ ।  विण्डोज एक्सपी, विण्डोज भिष्टा, विण्डोज ७,  विण्डोज ८, म्याक, एन्ड्रोईड स्माटफोन, ट्याब्लेट, आईफोन र आईप्याड लगायतको अपरेटिङ सिस्टममा गुगल ड्राईभ प्रयोग गर्न सकिने गुगलले जनाएको छ । 

कपी 

कपी डटकमले सीधै १५ जिबी स्पेट निशुल्क स्टोरको लागी छुट्टाएको छ । कान्छो  क्लाउड स्टोरेज सेवा प्रदायकको सुचीमा पर्ने यो सन् २०१० मा स्थापना भएको हो । यस कम्पनीले पनी स्तरिय स्टोरेज सेवा प्रदान गर्दै आएको छ  । ड्रपबक्सले जस्तै तपाईले अरुलाई यसको सेवा प्रयोग गर्न सिफारिस गर्नुभयो र सो व्यक्तिले प्रयोग गर्न सुरु गरेसँगै थप ५ जिबी स्टोरेज स्पेस बोनस पाउनुहुनेछ । जम्मा २० जिबी र त्यो पनी निःशुल्क । विण्डोज, म्याक, लिनक्स, एन्ड्रोईड र आईफोन लगायत अपरेटिङ सिस्टमका ग्याजेट्सबाट प्रयोग गर्न सकिने यो सुविधामा डाटा अपलोड स्पिड निकै राम्रो रहेको उल्लेख गरिएको छ ।

बक्स 

ड्रप बक्स र बक्स उस्तै लागेपनी यी भिन्नै क्लाउड होस्टेड कम्पनी हुन् । बक्सले सन् २००५ देखी नै होस्टेड सेवा सुरु गरेको हो । बक्स सन् २०१४ सम्म आईपुग्दा उत्कृष्ठको सुचीमा पर्न आउछ । यसले पनी कुल १० जिबी स्टोरेज डाटा नयाँ प्रयोगकर्ताको लागी निशुल्क दिदै आएको छ । मोबाईलमा आईफोन, एन्ड्रोईड, विण्डोज र ब्लायकबेरी अपरेटिङ सिस्टमलाई ध्यानमा राखेर कार्य सम्पादन गरिरहेको यसले बेब पोर्टलबाट न्यु डकुमेण्ट बनाउन, माईक्रोसफ्ट अफिस, गुगल डकुमेण्ट र बेब वेष्ट फम्र्याटमा ईडिट एवं डाउनलोड गर्ने सुविधा दिदै आएको  छ । 

यतिमात्रै नभएर अन्य धेरै उत्कृष्ठ र स्तरिय निशुल्क सेवा दिने क्लाउड स्टोरेज साईटहरु छन् जस्तै वान ड्राईभ, आई क्लाउड, स्पाईडरोक, एमाजोन क्लाउड ड्राईभ लगायतले पनी माथि उल्लेख गरेका फिचर एवं सो सरहनै विश्वसनिय सुविधा दिदै प्रयोगकर्ताको मन जित्न सफल भएका छन् । 

Computer slow ? make it faster !

कम्प्युटर स्लो भयो ? कम्प्युटरलाई फास्ट बनाउनुस्

लाइरहेको कम्प्युटरको गती एकाएक कम हुदै गयो ।  कम्प्युटरले खरिद गर्दाको समयमा जुन गतीमा काम गथ्र्यो अहिल्य त्यस्तो अवस्था रहेन । अझ महत्वपुर्ण काम गर्न भनेर वस्यो मिनेटको काम घण्टौसम्म पनी सम्पन्न गरिसकिएन भने त कसको कन्पारो तात्दैनर ? कम्प्युटरको गती राम्रो नहुनुमा विविध पार्टपुर्जा तथा इन्सर्टल गरिएका सफ्टवेयरमा भर पर्छ । जती स्तरिय प्रोग्राम छन् उतीनै राम्रो काम गरिरहेको हुन्छ । तर अर्को विषय जती धेरै राम्रो क्षमताको कम्प्युटर भएपनी निरन्तर लामो समयसम्म काम गरिरहन्छ भन्नेपनी छैन । विहाँन कम्युटर खोल्दा जुन गतीमा काम भएको हुन्छ  त्यहीँ गती बेलुकासम्म पनी देख्न पाइदैन । अझ कम्प्युटर जती पुरानो हुदै गयो त्यतिनै काम गर्ने गतीमा सुस्तता हुदै गइरहेको हुन्छ । 

धेरैभन्दा धेरै फाईल फोल्डरले भरिभराउ कम्युटरले निकै सुस्त गतीमा काम गर्न थाल्यो भने कम्प्युटर फर्मेट गर्नुपर्छ भन्ने गरेको पनी सुन्न पाइन्छ । फर्मेट लामो समयपछि मात्रै गरिन्छ , पटक पटक फर्मेट गरिदै गइयो भने कम्प्युटरको काम गर्ने क्षमतामा नकरात्मक असर पर्न थाल्छ र चाडै सो कम्प्युटर फोहोरको थुप्रोमा  मिल्काउनुपर्ने पनी हुनसक्छ  । तर त्यसको ठाउँमा आवश्यक काम गरिसकेपछि कम्प्युटरलाई केहि मिनेटसम्म मात्रैपनी केयर गरियो भने  निरन्तर लामो समयसम्म उहि पुरानै गतीमा काम लिन सकिन्छ ।  विशेषत हरेक दिन हामीले धेरै फाइल तथा फोल्डरहरु खोल्छौ र त्यही रहेर काम गरिरहदा बनेका  डुप्लिकेट फाइल तथा फोल्डरहरुले कम्प्युटरको मेमोरीमै आफ्नो स्थान वनाएर वसेका हुन्छन् । 

 त्यस्ता अनावश्यक फाइल फोल्डरलाई हटाएर आफ्नो कम्प्युटर चुस्तदुरुस्त वनाउको लागी सवैभन्दा पहिल्य किवोर्डमा “विण्डोज” आइकन र “आर” एकै पटक प्रेस गर्नुस् त्यहाँ रन खुल्नेछ । देखिएको चेकवक्समा recent  टाइप गर्नुस र इन्टर प्रेस गर्नुस् । त्यहाँ धेरै  फाइलहरु देखिनेछ र त्यसलाई डिलिट गर्नुस् । recent टाइप गरेर त्यस्ता फाइललाई डिलिट गरेजसैगरी क्रमश %temp%  , temp र prefetch वाट पनी अनावश्यक सकंलित त्यस्ता फाइल एवं  फोल्डर डिलिट गर्न सकिन्छ ।  यी र यस्ता प्रकारका फाइल फोल्डर दैनिक जसो हटाउदै गएको खण्डमा कम्युटरले काममा राहत दिनेनै छ । नियमित रुपमा काम गर्दै गर्दा अचानक समस्या र गतीमा गिरावट नआओस भन्नको लागी यस्ता सानातिना लाग्ने विषयमा ध्यान दिनुपर्छ भनिएको हो । दैनिक रुपमा कम्प्युटरमा काम गरिसकेपछि सट डाउन गर्नुअघि यस्ता प्रकारका डुप्लिकेट भएर वसेका फाइल,फोल्डरहरु हटाउन नर्विसनुहोला । अर्को महत्वपुर्ण विषय भनेको डिलिट गरिएका सम्पुण फाइल,फोल्डर रिसाइकल विनमा धकेल्नासाथ कम्प्युटरको भारमा कमी हुन्छ भन्ने भ्रममा पनी पर्न हुदैन । रिसाईकल विनलाई नै क्लियर गर्न जरुरी छ । 

त्यस्तै विण्डोज ७ अपरेटिङ सिस्टम रहेको कम्प्युटरको गती वढाउने अर्को विधी डिस्क क्लिनअप पनी हो । डिस्क क्लिनअपसम्म पुग्नको लागी मेनुवारवाट अल प्रोग्राममा जानुपर्ने हुन्छ । त्यहाँ एससरिज अप्सन देखिनेछ सोहि मेनुमा सिस्टम पनी पाउन सकिन्छ । सिस्टम टुलमा माउस ओभर गर्नुभयो भनेमात्रै पनी  डिस्क क्लिनअप देखिनेछ । डिस्क क्लिनअपवाट ड्राइभ छनोट गरेर त्यहाँ रहेका अनावश्यक फाइल,फोल्डर हटाउन सकिन्छ । कम्प्युटरको गती वढाउनको लागी गरिने अर्को विधी भनेको  डिस्क डिफ्रागमेन्टर पनी हो । यसको लागी पनी मेनुवार हुदै अल प्रोगाममा गएर एसोसरिज मेनुमा माउस ओभर गर्न आवश्यक छ क्रमस सिस्टम टुलमा जानुपर्ने हुन्छ । डिस्क क्लिनअपसगै डिस्क डिफ्रागमेन्टर पनी देखिनेछ, त्यहाँ क्लिक गरिसकेपछि कम्प्युटरको कुन ड्राइभमा जाने भन्ने विकल्प देख्नुहुनेछ र क्रमस कम्प्युटरमा रहेका ड्राइभरलाई सफ गर्न सकिन्छ । 

फोटो:गुगल

'एकै क्लिकमा कम्प्युटरलाई यसरी फास्ट बनाउनुस्"

इन्टरनेट जोडिएको कम्प्युटरको गती अझ अरु कम्प्युटरभन्दा चाडै सुस्त हुने गर्दछ । इन्टरनेटवाट भाइरस तथा अनावश्यक सफट्वेयर डाउनलोडले गर्दापनी प्रोसेसरमा प्रभाव भइरहेको हुने हुदा कुन कुन अनलाइन साइट खोल्न आवश्यक छ र थोरैभन्दा थोरै के कती सफटवेयर प्रयोग गर्न सकिन्छ त्यसतर्फपनी ध्यान दिन सकेको खण्डमा आफुले चलाउदै आइरहेको कम्प्युटरलाई भार तथा चाप कम हुन जान्छ भने हामीले पनी कम्प्युटर केयर गरिएको ठहरिन्छ

- चलाईरहेको कम्प्युटर एकाएक स्लो हुदो गयो भने तपाई के गर्नुहुन्छ ? कम्प्युटर पुरानो हुदै गाको छ एक पटक फम्यार्ट पो हान्नु पर्छ कि भनेर सोच्नु त हुन्न नी ?  प्रायः कम्प्युटर स्लो हुदै गयो भने फर्म्याट गरेर मात्रै फास्ट वनाउन सकिन्छ भन्ने सोचाई पनी मानिसहरुमा रहेको पाईन्छ । लामो समय कम्प्युटर चलाईरहदा कम्प्युटर स्लो हुनु स्वभाविक हो । फाईल,फोल्डर एवं सफ्टवेयरमा रहेर काम गरिरहदा डुप्लिकेशन फाईलहरु वन्ने काम भईरहेको हुन्छन् भने धेरै लामो समय कम्प्युटरमा काम गरिरहदा कम्प्युटरले गर्ने कामको गतिमा गिरावट आईरहेको हुन्छ । यस्तो अवस्थामा कम्प्युटरलाई एकै क्लिकमा पहिल्यकै गतिमा ल्याउनको लागी तपाईले सिक्लिनर (CCleaner)  ईन्सर्टल गर्न सक्नुहुन्छ ।

के हो सिक्लिनर ?

कम्प्युटरमा जम्मा भएका फोहोरलाई पन्छाउदै कामको गतीलाई वढावा दिने टुल नै सिक्लिनर हो । यसले तपाईको कम्प्युटरवाट प्रयोगमा नआउने फाईलहरु हटाउने काम गर्दछ । साथै यसको प्रयोगले हार्ड डिस्कलाई हल्का र छरितो बनाउछ भने ईन्टरनेट व्राउजरहरु (ईन्टरनेट एक्प्लोरल, फायर फक्स, गुगल क्रोम, ओपेरा, सफारी लगायत ) खोल्दा स्वतं  निर्माण भएका फाईल, युआरएल नेम हिष्ट्री , कुकिज, लगायत अन्य धेरैलाई गलत्याएर निकाल्ने  काम सिक्लिनरले गर्ने गर्दछ । 

त्यतिमात्रै कहाँ होर विण्जोडमा भएको रिसाईकल विन , रिसेन्ट डकुमेन्ट, टेम्प्रोररी फाईल, लगायतमा वसेका फाईल तथा फोल्डरलाई पनी क्लियर गर्ने सिक्निरले गरिरहेको हुन्छ । अरुपनी धेरै कामहरु यसले गर्ने गर्दछ जस्तै तपाईले ईन्सटल गर्नुभएको अन्य सफ्टवेयरले निर्माण गरेका आईकन, सटकट फाईल, फाईल एवं फोल्डरलाई हटाउन समेत सहयोग गर्ने काम गरिरहेको हुन्छ । भाईरसलाई समेत यो सफ्टवेयरले एकै क्लिकमा निरुत्साहित गर्ने काम गरिरहेको हुन्छ ।

डाउनलोड गर्नुस् : 

सिक्लिनर प्रयोग गर्दै आएकाहरुलाई यसको महत्व र आवश्यकता के कति छ भन्ने राम्ररी थाहा नै छ । तर यदि तपाई भर्खरै यसको वारेमा जानकारी लिदै हुनुहुन्छ र म पनी आफ्नो कम्प्युटरमा ईन्सटल गरिपो हाल्नुपरो भन्ने लागेको छ भने यहाँवाट डाउनलोड गर्न सक्नुहुन्छ । यो पनी थाहा पाईराख्नुस् यो सफ्टवेयर निशुल्क र शशुल्क दुवै माध्यममा उपलव्ध छ । माथी  भनिएका फिचर भएको सिक्लिनर चाहनुहुन्छ भने निशुल्क नै काफि छ तर त्यो भन्दा पनी एड्भान्स चाहनुहुन्छ भने २५ डलरको हाराहारीमा खरिद  गरेर पनी डाउनलोड गर्न सक्नुहुन्छ ।